Huldreeventyr i Hallingdal
Written by Anders Langholm at 01/07 2010, 10:19 - 0 comments
I heile juli kan borna sjå ”Huldra, prins Hadding og Bergkrystallen” på Geilo, Gol og Ål samt i Hemsedal. Skulle ikkje det vere nok vil dei kunne få oppleve ei større forestilling i Gordarike på Gol i ”Huldra, prins Hadding og Hahaugtrollet.”
Sjå www.eventyrveien.com for meir informasjon.
Hallingdal Reiseliv og Bergaplass AS står som inititativtakarar, og satsar på ekte og underhaldande familieforestillingar saman med manusforfattar Bergljot K. Nordal. Ensemblet, med Marte Tangen som Huldra – kjent som Turte i Blåfjell –, er godt kjent med stoffet frå i fjor og ser fram til ein ny runde med eventyr og sprell.
Med utgangspunkt i Hallingdal si eiga kulturhistorie og den norske mytologien om haugfolkt, tusser og troll, skapar Huldra eit univers der alt kan skje, og der borna får oppdage livet og leiken i skogen og på fjellet – slik Huldra opplever den.
Comments (0) - Write your own
